Aktivistë të kauzave studentore sot kanë depozituar kërkesë pranë Residencës Studentore Universitare nr.1 me drejtuese të këtij institucioni Anila Shehu. Ky institucion është nën varësinë e Bashkisë Tiranë dhe Erion Veliajt.
Teksa Veliaj bën miliarda lekë rrush e kumblla me tenderat që i jepen njerëzve të afërm të kryebashkiakut të Tiranës, nuk ka lekë për investime për të rinjtë dhe studentët e akomoduar pranë godinave të Rezidencës Studentore Universitare nr.1 në Qytetin Studenti.
“Ofrimi i mensave për studentët është domosdoshmëri për studentët për shkak të rritjes së çmimeve në mesnat priavte dhe këto kosto e bëjnë të pabërballueshme jetesën e studentëve duke shtuar që kjo gjë përfshihet edhe në objektin e aktivitetit të këtij institucioni.
Gjithashtu ofrimi i kushteve të ngrohjes për studentët është mëse e nevojshme për studentët duke pasur parasysh që stina e dimrit sapo ka ardhur dhe studentët nuk kanë mundësi të blejnë pajisje ngrohje gjatë këtyre muajve të ftohtë.” – shprehet aktivisti Aurel Kujtimi.
Mungesa e kushteve si mensat sociale, ngrohja dhe mungesa e akomodimit rrisin kostot mujore të studentëve duke e bërë të papërballueshme mundësinë për të vazhduar studimet duke pasur parasysh rrogat e ulta dhe pamundësitë e tyre në shqipëri.
Kjo është një nga arsyet se një pjesë e madhe e shqiptarëve të detyruar për t’u larguar nga vendi në këto vite janë studentët dhe të rinjtë.
