Një studim i ri ka zbuluar se goditja e fëmijës tuaj ‘rrit ndjeshëm rrezikun e çrregullimeve serioze të shëndetit mendor’. Kështu që herën tjetër kur të doni të zbatoni një ndëshkim të vogël trupor ndaj fëmijës tuaj, duhet ta mendoni përsëri.
Profesoresha e psikiatrisë në Universitetin e Melburnit, Sophie Havighurst, autorja kryesore e raportit “Ndëshkimi trupor i fëmijëve në Australi”, tha se gjetjet e çojnë vendin ta bëjë të paligjshme disiplinën fizike.
“Nëse është e paligjshme të godasësh fqinjin, fëmijën apo qenin e tyre, pse është e ligjshme të godasësh fëmijën tënd? Pse fëmijët nuk kanë të njëjtën të drejtë për mbrojtje nga dhuna si të rriturit?”tha ajo.
Ndëshkimi trupor është i ligjshëm në të gjitha juridiksionet në mbarë vendin dhe gazeta vëren se ai është ende i përhapur. Gazeta raportoi se gjashtë në 10 persona të moshës nga 16 deri në 24 vjeç raportuan se kishin përjetuar katër ose më shumë incidente të ndëshkimit trupor.
Gjetjet e tyre përkojnë gjithashtu me Studimin austrqliam të Keqtrqjtimit të Fëmijëve, i cili tregoi se 61 për qind e 16 deri në 24-vjeçarëve, që u goditën si fëmijë kishin gati dy herë më shumë gjasa të zhvillonin ankth dhe depresion më vonë në jetë.
Bashkëautori Profesor Daryl Higgins, drejtor i Institutit të Studimeve për Mbrojtjen e Fëmijëve të Universitetit Katolik Australian, tha se brezi i vjetër kishte më shumë gjasa të besonte se rrahja ishte efektive, me 38 përqind të atyre mbi 65 vjeç që e konsideronin të nevojshme.
Megjithatë, vetëm 15 përqind e 16-24-vjeçarëve ranë dakord se ishte e përshtatshme. Gazeta zbuloi gjithashtu se vende të tilla si Zelanda e Re që kishin ndryshuar ligjet për ta bërë të paligjshme rrahjen panë një rënie të ndjeshme të ndëshkimit trupor./Ladbible
