Koronavirusi nuk është vetëm një sëmundje që kur të zë të merr jetën.
Ajo ka edhe simptoma të tjera dhe tashmë është zbuluar se shumë pacientë të infektuar që e kalojnë, mbeten me pasoja afatgjata.
Një 30-vjeçar që infektohet tani me Covid-19, mund të ketë pas dy vjetësh mushkëritë ose zemrën e një 40-vjeçari, apo pas dhjetë vjetësh mushkëritë ose zemrën e një 60-vjeçari.
Kur po bëhet gati një vit që prej shpërthimit të pandemisë së koronavirusit, shumë grupe shkencëtarësh po punojnë për krijimin e një vaksine kundër COVID-19.
Pavarësisht shërimit nga ky virus vdekjepurës, personat që arrijnë të fitojnë këtë betejë, përballen me dëmtime që Covid-19 ka lënë në trupin e tyre.
Një grup mjekësh gjermanë kanë raportuar se, po merren me studimin e pasojave afatgjata tek pacientët me Covid-19.
Ata thonë se, edhe nëse e kalon lehtë infektimin, ky virus ka aftësinë të dëmtojë rëndë edhe tek të rinjtë disa organe, që shkaktojnë probleme në të ardhmen.
Kreu i grupit studimor, prof. dr. Stefan Schreiber, mendon se, virusi SARS-CoV-2, mund të përshpejtojë procesin e plakjes tek personat e infektuar.
Teksa ka folur për mediat e huaja ai ka thënë se përveç pasojave specifike të sëmundjes, virusi Corona përshpejton gjithashtu edhe proceset e plakjes së organeve të brendshme, por fillimisht pa u kuptuar.
Një nga fushat e studimeve të prof. dr. Stefan Schreiber dhe grupit të studimor në Qendrën Mjekësore Universitare Schlesëig-Holstein, në Kiel, janë lidhjet mes infeksioneve kronike dhe procesit të plakjes.
Pavarësisht se Covid-19 prek kryesisht rrugët e frymëmarrjes ose mushkëritë, ai në fazën akute mund të prekë shumë sisteme të organeve të tjera.
Në bazë të të dhënave aktuale të hulumtimeve mjekët supozojnë se prej Covid-19 mund të ndodhin edhe dëme afatgjata të organeve.
Studime të ndryshme tregojnë gjithashtu se dëmtime të tilla të përhershme janë të mundura edhe nëse dikush e kalon sëmundjen lehtë.
“Covid-19 është një sëmundje endoteliale. Endotele quhen qelizat që krijohen tek muret e enëve të gjakut. Ato gjenden kudo ku në trupin tonë ka enë gjaku. I ashtuquajturi endotel është si të thuash organi ynë më i madh.
Dhe me sa duket endoteli është një nga pikat e preferuara të viruseve. Përmes infektimit të këtyre qelizave infeksioni përhapet më tej tek organet e tjera .”- u shpreh Schreiber.
/Burimi: FR/Përshtati: Gazetaatdheu.com/