Në pritje të debutimit të tij, Lionel Messi është rikthyer në Barcelonë për disa ditë. Ylli i sportit u rikthye sot në shtëpinë e vjetër në Castelldefels me gruan e tij, Antonellan dhe fëmijët për t’i kaluar disa ditë, para se Messi të rikthehet në stërvitje të hënën.
Futbollisti i PSG-së nuk iu bashkua ekipit për ndeshjen e sotme ndaj Brest në transfertë dhe pritet që të luajë disa minuta në xhiron e ardhshme, ndaj Reims.
Kujtojmë se ylli argjentinas u largua këtë verë nga Barcelona për shkak të kushteve financiare të katalonasve dhe për këtë arsye iu bashkua Paris Saint-Germain për dy vitet e ardhshme, me mundësi vazhdimi edhe të një viti tjetër.
