Shpopullimi është një nga problematikat që ka prekur disa fshatra të vendit. Një ndër to është dhe Lubenja e Vlorës. Ky fshat tashme është braktisur nga të rinjtë, pasi ata janë larguar dhe ka mbetur vetëm mosha e trete. Banorët rrëfejnë se shkak është mungesa e vendeve të punës dhe falimentimi i bujqësisë dhe blegtorisë.
Mungesa e infrastrukturës në brendësi të lagjeve në fshat është një tjetër shqetësim për banorët. Rruga e Selenicës tashmë është ndërtuar por për infrastrukturën në brendësi askush nuk kujtohet
Pallatet e vjetra, rrugët e painvestuara, tregojnë për një imazh të harruar të fshatit i cili është vetëm 3 km larg bashkisë Selenicë që e ka kompetencë dhe 20 km larg Vlorës.
