Depozitohet kallëzimi i radhës në prokurori ndaj kryetarit të Bashkisë Tiranë, Erion Veliaj dhe kryeministrit Edi Rama, lidhur me Teatrin Kombëtar.
Aleanca për Mbrojtjen e Teatrit Kombëtar ka depozituar padinë e 6 në SPAK për shembjen e Teatrit.
Kallëzimi i fundit i depozituar në SPAK bëhet kundër kryeministrit Rama, kryebashkiakut Veliaj, kompanisë private Big-Bjarke Ingels Group dhe arkitektit danez Ingels, kompanisë Fusha dhe administratorit të saj Shkëlqim Fusha.
AMT kërkon nga SPAK fillimin e ndjekjes penale ndaj personave të kallëzuar për kryerjen e veprave penale korrupsionin pasiv ne sektorin privat, dhënia e ndihmës për ndërtim të paligjshëm, ushtrimi i ndikimit të paligjshëm ndaj personave që ushtrojnë funksione publike dhe shpërdorim detyre.
Po kështu AMT këron marrjen e sekuestros preventive ndaj projektit të Ingels për Teatrin dhe pezullimin e procedurave të konkursit për projektin e Teatrit të ri të shpallur nga bashkia Tiranë pas shembjes së tij.
/Gazetaatdheu.com/