Përafërsisht 18,000 lopë u vranë në një shpërthim në një fermë qumështi në Teksas në fillim të kësaj jave. Shpërthimi, në South Fork Dairy pranë qytetit të Dimmitt, la gjithashtu një person në gjendje kritike, raporton BBC.
Autoritetet besojnë se makineritë në objekt mund të kenë marrë flakë. Gati tre milionë kafshë ferme ngordhën nga zjarret në të gjithë SHBA midis 2018 dhe 2021.
Në një deklaratë, Zyra e Sherifit të Qarkut Castro tha se ata morën një raport për një zjarr në fermë rreth orës 19:21 të 10 prillit. Fotot e postuara nga Zyra e Sherifit tregojnë një shtëllungë të madhe tymi të zi që ngrihet nga toka.
Kur policia dhe personeli i urgjencës mbërritën në vendngjarje, gjetën një person të bllokuar, i cili duhej të shpëtohej dhe të dërgohej në spital në gjendje kritike. Ndërsa shifra e saktë e lopëve që u vranë nga zjarri dhe tymi mbetet e panjohur, një zëdhënëse e Zyrës së Sherifit të Qarkut Castro tha se numri i lopëve të vrara ishte rreth 18 mijë.
