Rikthehet në vëmendje çështja e tenderit të unifromave të Policisë së Shtetit. GJKKO ka dhënë dënimin për nëntë të arrestuarit, zyrtarë dhe ish-zyrtarë të ministrisë së Brendshme. Ish-drejtoresha e Agjencisë së Blerjeve të Përqendruara Edlira Naqellari është dënuar me një vit burg.
Sakaq, me 8 muaj deri në 1 vit burg janë dënuar Fatmir Demneri, Mariglen Buzali, Gezim Mingaj, Anisa Bogdani, Klevis Hasani, Flutura Cerkezi, Ani Omuri dhe Kreshnik Bejkaj.
Përmendim që zyrtarët u arrestuan me urdhër të SPAK, pas një hetimi në lidhje me tenderin e uniformave të Policisë së Shtetit për viitn 2020 prej 2.8 miliardë lekësh pasi kishte dyshime për shkelje të rënda.
Naqellari dhe vartësit cënuan barazinë në zhvillimin e tenderave. Referuar përllogaritjeve, rezulton se një uniformë polici kapi vlerën kolosale prej 2 800 euro dhe vetëm kapelja kishte një kosto prej 328 eurosh.