Tenderi me ‘flamur të kuq’/ Redjan Krali i Kavajës i jep 254 milionë në një dorë nipit të Sadri Abazit

Tenderi me ‘flamur të kuq’/ Redjan Krali…

Bashkia e Kavajës ka lidhur një tender të cilësuar “me flamur të kuq”, me një nga kompanitë që ka thithur vitet e fundit shuma të mëdha parash nga qeverisja vendore.

Referuar dokumentave zyrtare të Agjencisë së Prokurimeve Publike, Bashkia e Kavajës, e drejtuar nga Redjan Kralimi, i ka dhënë më shumë se 255 milionë Lekë (të reja) firmës “ALKO-IMPEX General Construction”, për pastrimin e Golemit.   

Sipas të dhënave në Qendrën Kombëtare të Biznesit, “ALKO-IMPEX General Construction” është degë e shoqërisë me të njëjtin emër, themeluar në Kosovë, me administratorë Enkelejda Çelin e Arbër Abazin – nipi i deputetit të Partisë Socialiste, Sadri Abazi.

Tenderi me “flamur të kuq”

Tenderi i lidhur së fundmi me objekt “Shërbimi i Pastrimit të Njësisë Administrative Golem” ka afat 5-vjeçar dhe vlera e kontratës është  254,527,782 Lekë pa TVSH.

Në tender kanë marrë pjesë tre kompani, “Rej shpk” – që nuk ka paraqitur ofertë ekonomike, “Korsel shpk” që ka ofruar 215,679,760 Lekë pa TVSH dhe “ALKO-IMPEX General Construction” me 254,527,782 Lekë pa TVSH.

Referuar dokumentave zyrtare të Agjencisë së Prokurimit Publik, janë skualifikuar të gjithë operatorët përveç fituesit. Ankesa nuk ka pasur.

Raste të tilla cilësohen me “flamuj të kuq” – shënim që tregon ekspozim apo rrezik të mundshëm për sjellje të papajtueshme me ligjin, ose jo-etike të biznesit, që lidhet kryesisht me mosrespektimin e ligjeve anti-korrupsion.

Pjesë e “Big” 5

Fituesja e tenderit, “ALKO-IMPEX General Construction”, zotëruese e disa koncesioneve në vend sipas të dhënave të “Open Corporates.al”, është një ndër kompanitë që ka thithur më shumë para pushteti vendor.

Në media është raportuar se në harkun kohor gusht 2015-Dhjetor 2019, rezulton se Alko-Impex General Construction shpk renditet e katërta, ndër firmat që kanë përfituar më shumë para nga bashkitë në tendera – plot 1 miliard e 533 milionë lekë pa TVSH, në 32 kontrata me 9 bashki të ndryshme, nga të cilat shumë prej tyre me flamur të kuq. /Gazetaatdheu.com/

Më Të Klikuarat

Lajmet e fundit