Vazhdojnë deklaratat dhe kundërdeklaratat rreth operacionit të policisë në veri të Kosovës.
Ish-vartësi i presidentit Vuçiq që tani shërben si ambasador i Serbisë në ShBA, Marko Gjuriq, ka sulmuar Raportuesen për Kosovën në Parlamentin Evropian, Viola von Cramon për mbështetjen që ajo i ka dhënë aksionit policor kundër kontrabandës në veri.
Gjuriq e ka quajtur eurodeputeten gjermane si “dashnore të kryeministrit Kurti” shkruan, B92, transmeton Express.
“Në vend se të kundërshtojë aksionin e policisë si eurodeputete, Von Cramon kritikoi Josep Borrellin i cili tha se aksioni ishte i njëanshëm. Von Cramon mendon që disa serbë që janë në Kosovë duhet të jenë njerëz të këqinj teksa i dashuri i saj Kurti duhet të jetë i mirë edhe kur ai vret”, ka thënë Gjuriq.
