Zhvillime të tensionuara në Mal të Zi. Zv.kryeministri i vendit, shqiptari Dritan Abazoviç është përplasur me turmën e protestuesëve të cilët kërkojnë që qeveria e Zdravko Krivokapiç të mos rrëzohet.
Teksa Abazoviç mori guximin t’ju dilte para dhe të përballej me to, njëri nga të pranishmit në tubim, ka përmendur faktin se ministri i Brendshëm është shqiptar, duke bërtitur me të madhe se kurrësesi nuk do të lejojë që të drejtohet nga një tillë.
“Jemi në vendin tonë. Shqiptarët nuk do të na komandojnë ne çfarë të bëjmë,”- tha njëri prej tyre, por komenti sa i përket kombësisë së Abazoviçit dhe ofendimit të shqiptarëve nuk u përkrah aspaknga protestuesit e tjerë.
