Nga delegacioni prej më shumë se 420 tifozës të grupimin “TKZ”, katër prej tyre nuk janë kthyer në Shqipëri pas ndeshjes me Poloninë. Përpara hyrjes në stadiumin e Vashavës, bëhet me dije se Tifozat Kuq e Zi kanë tentuar të fusin disa flakadanë.
Lëndët piroteknike janë pikasur nga punonjësit e policisë dhe sigurimi dhe menjëherë është kërkuar hedhja e tyre jashtë dyerve të stadiumit. Por në këtë moment është shkaktuar një situatë e tensionuar mes tifozëve dhe punonjësve të policisë, dhe është bërë shoqërimi i katër tifozëve.
Lajmin për arrestimin e tyre e pohon dhe grupimi TKZ, të cilët kërkojnë që shqiptarët e arrestuar të lirohen.
“TKZ me anë të këtij postimi kërkon ndërhyrjen e institucioneve tona për lirimin e katër antarëve tanë, të cilët janë arrestuar në ndeshjen Poloni – Shqipëri, duke qenë plotësisht të pafajshëm” – thonë tifozët.
