![Tentuan t’i futeshin në banesë, shqiptari në…](https://tvanews.com/wp-content/uploads/2021/08/pistolete-arme-vrasje-645x380-780x439-1-650x365.jpg)
Të shtëna me armë zjarri janë regjistruar në Casarile në provincën e Milanos, konkretisht në shtëpinë e një shqiptari. Disa persona kishin raportuar për të shtëna në zonë ndërsa karabinierët gjetën gëzhojat dhe shenjat e të shtënave të armëve.
39-vjeçari shqiptar i dënuar për grabitje ka qenë shënjestra e autorëve. Gjatë kontrollit të banesës u gjet brenda kazanit të lavatriçes, një pistoletë e kalibrit 9×21 me tytën ende të nxehtë dhe të mbushur. Në banesë kishte dhe dy karikatorë të plotë dhe një kuti me municion të kalibrit 9 mm, afërsisht 100 fishekë gjithsej, të mbajtur në mënyrë të paligjshme.
Arma rezultoi e vjedhur në vitin 2020 në San Giuliano Milanese. 39-vjeçari ka nisur të qëllojë me 3 të shtëna në hyrje të godinës për të zmbrapsur personat e dyshuar që kishin tentuar të hynin në shtëpinë e tij.