Një tërmet i fuqishëm ka goditur Panamanë, duke shkaktuar lëkundje të forta që janë ndjerë edhe në kryeqytetin e vendit.
Sipas Qendrës Sizmologjike Euro-Mesdhetare (EMSC), tërmeti ka pasur magnitudë 7.9, ndërsa pas lëkundjeve është lëshuar alarmi për rrezik tsunami në disa zona përgjatë Oqeanit Paqësor.
Lëkundjet kanë shkaktuar panik te banorët, të cilët kanë dalë nga ndërtesat për t’u vendosur në vende më të sigurta. Ndërkohë, autoritetet po monitorojnë situatën për të vlerësuar pasojat e tërmetit dhe rrezikun e mundshëm nga dallgët e tsunamit.
Nga raportimet paraprake, nuk ka ende një bilanc të konfirmuar për viktima apo dëme materiale. Paralajmërimi për tsunami mbetet një element kyç i situatës, ndërsa priten informacione të mëtejshme nga autoritetet përkatëse.
