Gjatë mbrëmjen e së premtes në vendin tonë u regjistrua një tërmet me magnitudë 4.8 ballë të shkallës Rihter dhe epiqendra e saj ka qenë 12 km nga qyteti i Pukës, ndërsa thellësia e saj ka qenë 10 km. Tërmeti është ndjerë në Tiranë dhe në disa qytete të tjera në veri të Shqipërisë, si dhe në Kosovë, teksa si pasojë e lëkundjeve ka pasur plasaritje në muret e spitalit të qytetit, dhe dëme në disa pallate. Njoftimi është bërë nga Bashkia e Pukës, mbrëmjen e djeshme pak pas tërmetit.
Bashkia Pukë:
Pak minuta më parë Puka ka përjetuar një lëkundje të fortë sizmike. Tërmeti që kishte epiqendrën pranë Pukës, ka qenë i shkallës 4.7 ne thellësinë 2 km. Bashkia Puka po ndërlidhet për pasojat e kësaj situate. Deri tani nuk kemi informacione për pasoja fatale, ndërkohë që janë porositur administratorët dhe kryepleqtë e fshatrave të interesohen për pasoja të mundshme pas kësaj situate. Deri tani janë konstatuar dëme tek disa pallate tek lagjia e muzeut, dhe 5 pallatet, ku sipas raportimit të banorëve ka plasaritje, ndërkohë janë të dukshme dëmtimet në oxhaqet e pallateve. Plasaritje dhe renje suvash ka dhe në spitalin e qytetit. Inkurajojm të gjithë banorët të rimarrin veten me shpresën se nuk do kemi pas lëkundje dhe për çdo shqetësim të informojnë në numrat pa pagesë 128 ose 129.