Maturantët janë ngritur sot në protesta para Ministrisë së Arsimit në lidhje me provimet e Maturës Shtetërore. Disa ditë më parë, ata zhvilluan provimin e Gjuhës së Huaj, ndërsa dje atë të Gjuhës Shqipe. Ata theksojnë se ndryshe nga sa u tha, testi i Gjuhës Shqipe kishte pyetje jashtë programit dhe se ishte shumë i vështirë.
Me anë të protestave maturantët kërkojnë plotësimin e këtyre 3 kërkesave:
-Mundësi për rivlerësimin e provimit
-Uljen e katofit të vlerësimit
-Mosvlerësimin e pyetjeve jashtë programit
Matura e këtij viti e ka ndërprerë mësimin për një periudhë për shkak të tërmetit të 26 nëntorit dhe më pas, si pasojë e pandemisë, u detyruan ta zhvillonin mësimin online.