Bandat kriminale po u paguajnë emigrantëve 7,000 paund për të kaluar Kanalin me një skaf dhe për ta reklamuar shërbimin në TikTok. The Sun zbuloi videon e shkurtër të stafit në Tik Tok, ku duket anija duke iu afruar bregut, me pasagjerët që hidhen më pas në det.
Reklama ka qarkulluar mes përdoruesve shqiptarë të rrjeteve sociale. Një total prej 45,755 azilkërkuesish kaluan kanali me anije të vogla vitin e kaluar dhe gjysma ishin nga Shqipëria dhe gjysma nga Afganistani. Forca kufitare ka kontrollin operacional të Kanalit për të frenuar kalimet, me drone, varka, radarë dhe kamera të reja që përdoren për të gjurmuar skafet në ujë dhe për të identifikuar ata që i pilotojnë ato.
Deputeti konservator Scott Benton tha:“Bandat kriminale që po operojnë këtë rrjet të tmerrshëm janë padyshim të etur për t’iu shmangur autoriteteve. Pra, krahas masave të reja të shpallura nga Kryeministri Rushi Sunak, Forca jonë Kufitare dhe operacioni i përbashkët që punon me Francën duhet të qëndrojë një hap përpara. Shansi më i mirë që kemi për ta zgjidhur këtë çështje në mënyrë efektive është ndalimi i anijeve që largohen nga Franca në radhë të parë. Autoritetet duhet të jenë vigjilente ndaj këtij kërcënimi të ri dhe të çmontojnë bandat që qëndrojnë pas tij.”
Një zëdhënës i qeverisë tha: “Postimet që promovojnë rrugë të paligjshme për në MB po vënë në rrezik jetën e njerëzve të cenueshëm dhe po financojnë bandat e liga kriminale.
Kompanitë e mediave sociale, si TikTok, kanë përgjegjësinë për të hequr postimet dhe për të ndaluar përmbajtjen që promovon aktivitet të paligjshëm dhe kriminal. Ligji i Migracionit të Paligjshëm do të ndryshojë ligjin në mënyrë që njerëzit që vijnë në MB ilegalisht të mund të ndalohen dhe më pas të kthehen me shpejtësi në një vend të tretë të sigurt ose në vendin e tyre të origjinës”.
