Kompania e Tesla u themelua nga Martin Eberhard, ndërsa më vonë Elon Musk u bë CEO i saj.
Emri i Elon Musk është aq i lidhur me Teslën, saqë shumë besojnë se sipërmarrësi miliarder është ai që themeloi prodhuesin e automjeteve. Megjithatë, realiteti është tjetër.
Ndërsa Musk është CEO i Tesla dhe nganjëherë përmendet si themeluesi i saj, kompania megjithatë u themelua në 2003 nga Martin Eberhard dhe miku i tij Marc Tarpenning. Eberhard, i cili quhej “Zoti Tesla” shumë kohë përpara se bota të njihej me Elon Musk, ndërsa themelonte një nga kompanitë më të vlefshme në botë, ai e gjeti veten të papunë dhe pa para.
Marrëdhënia e Teslës me Elon Musk filloi në vitin 2004, kur CEO aktual drejtoi një raund financimi prej 7.5 milionë dollarësh dhe u bë kryetar i bordit të startup-it.
CEO i atëhershëm pretendon se tensionet nisën kur gazetarët filluan t’i kushtonin vëmendje Teslës. Sa herë që kishte një artikull për kompaninë në shtyp pa përmendur emrin e Elon Musk, ai tërbohej, shkruan MoneyReivew.
Megjithatë, sipas versionit të Eberhard, roli i Musk në kompani atëherë ishte mjaft i vogël.
“Musk nuk kishte as një zyrë brenda Tesla-s, por si kryetar ai mori pjesë në mbledhjet e bordit dhe vizitoi kompaninë një herë në muaj. Pra, e dini, ideja se ai ishte duke punuar në makinë thjesht nuk ishte e vërtetë. Nuk ishte aty”, thotë Eberhard.
Ndërsa tensionet mes dy burrave u përshkallëzuan, Musk akuzoi CEO-n e atëhershëm për vonimin e prodhimit të makinës së parë të Tesla, Roadster, dhe e fajësoi atë për probleme të ndryshme operacionale.
Kështu që në vitin 2007, Musk arriti të largonte Eberhard si CEO, dhe në 2008 ai mori detyrën.
Në vitin 2009, Eberhard paditi Musk për shpifje dhe Musk e ka quajtur Eberhard “personin më të keq” me të cilin ka punuar ndonjëherë.
Problemet ekonomike pasi u largua nga Tesla
Eberhard përshkruan ngërçin financiar në të cilin u gjend kur u largua nga Tesla. Për shkak të marrëveshjes që kishte nënshkruar me kompaninë, biznesmeni nuk mundi të punësohej në një kompani tjetër makinash për dy vjet.
“Pasi u largova nga Tesla, ishte praktikisht e pamundur për mua të punoja për dy vjet për shkak të marrëveshjes së pronësisë që kisha me Teslën, dhe sepse Tesla ishte shumë filantrop. Kështu, dy vitet e para kam qenë i papunë”, tha ai.
Sapo mbaroi periudha dyvjeçare, ai u punësua në Volkswagen. Në vitet në vijim ai punoi shkurtimisht në startup-e të tjera, si Lucid Motors (kur quhej Atieva) dhe SF Motors, ndërsa themeloi dy kompani të baterive të automjeteve elektrike, Inevit dhe Tiveni.
Eberhard tha se ai mban një aksion të vogël në Tesla (është nën pragun e 5%) dhe kështu i uron kompanisë sukses.
