Faruk Fatih Özer, është themeluesi i Thodex, i cili u arratis nga Turqia me 2 miliardë dollarë drejt Shqipërisë. Themeluesi i shkëmbimit të parave kripto Thodex , i humbi gjurmët pasi u zbulua se ai u arratis në Shqipëri më 20 prill 2021 me miliona dollarë kripto para që i përkisnin 400 mijë njerëzve. E ndonëse është ende në kërkim, mediat turke, raportojnë se Özer ia ka lënë mafies në Shqipëri miliona dollarët që ka marrë nga njerëzit. Deri më tani nuk ka të dhëna se Özer është larguar nga Shqipëria. U vu në dukje se policia shqiptare bëri përpjekje të shumta dhe të vendosura për kapjen e Faruk Fatih Özerit, ndërsa përveç denoncimeve u përdorën edhe informatorë të policisë për të përcaktuar vendin e fshehjes së tij.
