Autoritetet greke kanë zbardhur arsyet e vrasjes me thikë në zemër të shqiptarit në Mykonos.
Sipas mediave helene, 27-vjeçari shqiptar punonte në ndërtim dhe është vrarë pas një mos-marrëveshjeje për paratë.
Nga hetimet dhe dëshmitë e pesë të arrestuarve mësohet se kanë qenë 12 shqiptarë që kishin lënë një takim për t’u sqaruar në Mykonos, por shumë shpejt gjakrat u nxehtën dhe situata agravoi.
Nga përleshja e përgjakshme i riu shqiptar u godit me thikë në zemër dhe ndërroi jetë në vend. Ai kishte disa muaj në Mykonos pa dokumente.
Autoritetet në Greqi vazhdojnë hetimet për këtë ngjarje.