Zëvendëskryeministri Erion Braçe, që prej dorëheqjes së tij nga postet qeveritare, duket se postimet me mesazhe të koduara në Instagram i ka kthyer në një përditshmëri.
Mbrëmjen e sotme ai ka shpërndarë një foto të personazhit të La Casa de Papel, “Tokyo”, ku shkruan se ajo në sezonin e saponisur vdes si burrat.
“Ndaj duhen gratë, të bëjnë para burrat”, shkruan mes të tjerash Braçe në postimin e tij. Nuk dihet nëse ky është një thumb i zv. kryeministrit për qeverinë e re ku mbizotërojnë gratë, me plotë 14 poste nga 17, apo një delir i momentit nga adrenalina që të falë seriali.
Postimi i plotë: TOKIO VDIQ SI BURRE, BURRAT!
NDAJ DUHEN GRATE, TE BEJNE PARA BURRAT!
La Casa de Papel, kete here,
ishte nje kulm i ri dhune;
POR HUMBI SHARMIN ANTISISTEM!
Kater sezonet e shkuara ishin ndryshe,
kishin edhe ide, edhe kauza, edhe tekst, keshtu u krijua sharmi antisistem;
Serite e reja kishin vec krisma e shperthime.
Dheeeee vdekjen e Tokios!
Asnje burre tjeter nuk vdiq, madje njeri u ngjall, Tokio vdiq si burre, burrat!