Një ngjarje tragjike është shënuar pasditen e sotme në Tiranë. Një 62-vjeçare i ka dhënë fund jetës duke u vetëhedhur nga kati i gjashtë i një pallati.
Ngjarja e rëndë u shënua rreth orës 18:00, në rrugën “Sitki Çiço”. Burime zyrtare nga policia thonë se bëhet fjalë për shtetasen me inicialet V. B.
Grupi hetimor i cili ndodhet në vendin e ngjarjes, po punon për zbardhjen dhe dokumentimin e plotë të ngjarjes.
Njoftimi i plotë i Policisë:
Me datë 13.12.2021, rreth orës 18:00, në rrugën “Sitki Çiço”, dyshohet se është vetëhedhur nga kati i gjashtë i pallatit ku banonte, shtetasja V. B., 62 vjeçe, e cila për pasojë ka ndërruar jetë.
Grupi hetimor ndodhet në vendngjarje dhe po punon për sqarimin e rrethanave të ngjarjes.
