Një bombol gazi ka shpërthyer në një banesë në kryeqytet, në zonën e Laprakës.
Si pasojë, një i moshuar ka mbetur i plagosur.
Ai është dërguar në spital dhe ndodhet jashtë rrezikut për jetën.
“Rreth orës 17:40, në rrugën ‘Nikoll Keta’, në banesën e shtetasit Z.K., 80 vjeç, ka plasur një bombol e vogël gazi, për pasojë është dëmtuar në këmbë shtetasi Z.K, i cili u dërgua në spital dhe ndodhet jashtë rrezikut për jetën. Grupi hetimor dhe shërbimet e Policisë vijojnë puna për zbardhjen e plotë të rrethanave të ngjarjes”, njoftoi policia.
/Gazetaatdheu.com/