Ato janë emërtuar “bomba” na shtypi maqedonas dhe nga mediat që po i publikojnë, pasi po trondisin mbarë opinionin në Maqedoninë e Veriut.
Një tjetër përgjim është publikuar sot nga mediat, vetëm pak ditë para zgjedhjeve, pikërisht për ish-kryeministrin Zoran Zaev.
Ky përgjim ka lidhje me ligjin e ri për Prokurorinë, që hyri në fuqi vetëm 11 ditë më parë.
Sipas tij, interesi i Zaev që të sigurohej shumica në Kuvend dhe për disa çështje të cilat ishin nën hetim e sipër, ishin aspektet kryesore të rregjistrimit.
Sipas mediave, në përgjim, Zaevi bisedon për Ligjin e Ri përfshirë edhe rastin për Ali Ahmetin, i cili ishte i dyshuar për ‘”Regjistrimin”.
Sipas Zaevit, me këtë zgjidhej dhe çështja e BDI-së dhe çështjet mbylleshin me vetë ligjin.
“Talir 2 po bie, bie edhe ‘Poshtenska Banka’ po bien një sërë rastesh, bie edhe rasti i Ali Ahmetit dhe pothuajse i gjithë rreziku është ky.
Kjo është e rëndësishme edhe për BDI-në dhe është një nga zgjidhjet që i kemi.
Mbyllen me vetë ligjin. Gjithçka që është pas datës 30, mbeten të gjalla 18 lëndët”,- është dëgjuar të ketë thënë kryetari i LSDM-së, Zoran Zaev.
Por LSDM-ja ka reaguar menjëherë, duke konfirmuar se, Zaev luftoi për shumicën në Kuvend, që ky ligj të kalohej.
“LSDM dhe kryetari i saj Zoran Zaev, vazhdimisht kanë luftuar për sigurimin e shumicës së dy të tretave në Kuvend.
Sot lëndët e PSP-së vazhdojnë, edhe pse ajo Prokurori nuk ekziston më”,- tha në deklaratën e saj LSDM-ja.
“Regjistrimi” ishte dosja që po hetohej nga Prokuroria Speciale, ku të dyshuar ishin Ali Ahmeti dhe Nikolla Gruevski.
Ata dyshohet se, më 2011-ën kishin rënë dakord për të shtyrë zbatimin e regjistrimit, duke shkaktuar një dëm prej 75 milionë denarësh.
/Gazetaatdheu.com/