Një tjetër tërmet është regjistruar pak minuta më parë në Shqipëri.
Raportohet se epiqendra e lëkundjeve me magnitudë 3.10 sipas shkallës Rihter ka qenë në fshatin Qinam të Tiranës, ndërsa thellësia fokale e tërmetit 5 km.
Kujtojmë këtu që prej disa ditësh në zonën e Fushë-Krujës dhe në fshatrat në veri-perëndim të Tiranës janë regjistruar disa lëkundje tërmeti, të cilat janë ndjerë edhe në zonën urbane të kryeqytetit, po ashtu dhe në qarkun e Durrësit.
Dy lëkundje të njëpasnjëshme gjithashtu u shënuan edhe mëngjesin e sotëm në vendin tonë. Ato u regjistruan rreth orës 08:59 të mëngjesit të datës 27 qershor. Sipas të dhënave, magnituda ishte 3.9, ndërsa lëkundjet zgjatën disa sekonda. Pas kësaj, u regjistrua një goditje tjetër me magnitudë 4.1, rreth orës 09:04, duke shkaktuar panik tek banorët.
