Viktima nga aksidenti i rëndë i ndodhur në Itali mbetën 22-vjeçarja Shane Hyseni, vëllai i saj 11 vjeç Resat Hyseni, motra e saj 8 vjeç Rejana Hyseni dhe djali i saj i vogël vetëm 2 vjeç Mattias Lame.
Makina drejtohej nga Orjol Lame, partneri i 22-vjeçares. I riu ndodhet në spital në gjendje të rëndë shëndetësore. Prindërit Ardian dhe Anjeza Hyseni ndodhen në morgun Coviolo ku ndodhen trupat e viktimave.
Sipas mediave italiane të afërm janë mbledhur rreth Anjezës, për ta ngushëlluar. Por sipas mediave ajo dëgjohet vetëm të bërtasë në shqip: “Nuk dua të jetoj më kështu.”.
Fluturimi për riatdhesim, me ndihmën e ambasadës shqiptare, pritet të realizohet në mbrëmjen e së mërkurës.
