Një ngjarje e rëndë është shënuar në Vigevano të Italisë ku një 40-vjeçare me origjinë shqiptare është gjendur pajetë në banesë. Ajo ka ndërruar jetë gjatë natës nga shkaqe natyrore.
Shqiptarja jetonte vetëm me vajzën e saj të mitur 4 vjeç.
Familjarët e shqiptares kanë shkuar në banesë ku kanë gjetur 40-vjeçaren e vdekur pasi ishin të shqetësuar se ajo nuk po i përgjigjej në telefon. E bija mendonte se e ëma ishte në gjumë dhe nuk e kishte kuptuar se kishte ndërruar jetë.
“Mos bëni zhurmë se po fle mami”,-mësohet t’i ketë thënë vogëlushja tezes.
