Disa adoleshentë në Sleaford, Lincolnshire, kanë humbur ndjenjat, pasi kanë thithur vape kanabisi, duke ngritur alarmin për atë se çfarë po konsumojnë të rinjtë. Kombinimi i rrezikshëm i dërgoi tre fëmijët në spital, ndërsa policia tha se ata kishin thithur lëng vape të përzier me THC, elementi psikoaktiv i kanabisit.
Policia beson se fëmijët nuk kanë qenë të vetëdijshëm për përzierjen e dëmshme të substancave, duke thënë se besojnë se është një shaka shumë e rrezikshme.
Në një letër drejtuar prindërve, rreshteri Stuart Mumby-Croft i ekipit të policisë së lagjes Sleaford tha se kishte të paktën tre incidente të raportuara të njohura për policinë, ku fëmijëve në qendrën e qytetit të Sleaford-it iu dha një vapë, e pinin duhan dhe më pas u sëmurën dhe humbën ndjenjat. Për fat të mirë fëmijët janë shëruar.
Mumby-Croft tha se ekipi kishte folur me të tre shkollat lokale për të këshilluar prindërit për këtë çështje, duke u bërë thirrje njerëzve që të flisnin me fëmijët e tyre në lidhje me rreziqet e vape në përgjithësi.
“Ne kemi hyrë në një epokë ku fëmijët tanë tani kanë më shumë gjasa të pinë vape sesa të pinë duhan. Vape u japin fëmijëve mundësinë për të gëlltitur nikotinë shumë më fshehtas se sa munden me një cigare të ndezur që janë edhe më lehtë për tu zbuluar. Jam i sigurt se nuk kam nevojë t’ju tregoj për rreziqet nëse fëmijët tuaj pranojnë, marrin hua ose blejnë vapa nga nxënës, miq ose bashkëpunëtorë të tjerë. Unë duhet t’ju kërkoj të keni biseda të sinqerta me fëmijët tuaj si për rreziqet e vape ashtu edhe për varësinë ndaj nikotinës”, përfundoi ai.
