Një burrë, i cili ishte duke urinuar në shinat e trenit, u vra në një aksident të frikshëm pasi u godit nga një lopë që fluturonte.
82-vjeçari Shivdayal Sharma vdiq menjëherë pasi një tren ekspres goditi lopët, duke e hedhur njërën 100 metra në ajër. Një person i dytë që qëndronte pranë pensionistit shpëtoi për pak pa u goditur nga kafsha.
Goditja e lopëve në shina me sa duket nuk është një ngjarje e rrallë me 26,180 incidente të raportuara nga 2022-2023. Aksidenti ka bërë që shumë njerëz të kërkojnë rregulla më të mira sigurie përgjatë rrugës.
Ministri i Hekurudhave, Ashwini Vaishnaw, në Indi, njoftoi se masa të tilla si ‘pastrimi i plehrave dhe heqja e bimësisë së egër’ kishin filluar të mbanin larg lopët. Diku tjetër ishin ngritur gardhe metalike përgjatë gjatësisë së shinave për të parandaluar fizikisht që bagëtitë të humbnin në zonën e rrezikut.
