Toka turke duket se nuk po gjen qetë, paniku dhe rreziku nga tërmetet vazhdon. Bëhet me dije se këtë mëngjes Turqia është tronditur nga një tjetër tërmet i fuqishëm. Sipas Qendrës Sizmologjike Euro-Mesdhetare, tërmeti me magnitudë 5 ballë goditi Turqinë qendrore.
Epiqendra ishte 38 km në veriperëndim të Kahramanmaras. Lëkundja që u regjistrua në orën 05:53 kishte një thellësi prej 6.95 kilometrash.
Ky tërmet vjen pak javë pas lëkundjes së fortë të 6 shkurtit që solli bilancin tragjik me të paktën 51 mijë viktima. Ndërsa shumë pas lëkundje të forta janë regjistruar gjatë këtij muaji në tokën turke.
