Një shqiptar nga Tropoja në Angli ka rrënë në rrjetin e gazetarëve investigativë të Daily Mail. Tropojani reklamonte në rrjetet sociale shitjen e fidanëve të kanabisit për ata që merren me të ashtuquajturat “shtëpi bari”, pra që merren me rritjen dhe kultivimin e kanabisit në kushte shtëpie.
Daily Mail shkruan se Selamet Mehmetaj 28 vjeç, i njohur me pseudonimin The Devil përmes llogarisë në Instagram “Gjak Shqipez” është grosisti më i madh i fidanëve të kanabisit në të gjithë Anglinë.
Gazetarët e kanë kontaktuar të riun shqiptarë i cili jeton më veri të Londrës duke pretenduar se ata ishin të interesuar për blerje fidanësh kanabisi të cilat Mehmetaj i shiste 10-12 paund copa.
Përmes këtij biznesi thotë Daily Mail Selameti ka përfituat miliona stërlina dhe udhëton në rrugët e Londrës me një makinë Mercedes-Benz CLA AMG, që kushton £50,000 dhe një Audi RS7 – përfshi një tjetër makinë të përdorur në garat e Formula 3.
Mehmetaj u ka thënë gazetarëve anglez se cdo muaj rrit deri në 2500 fidanë kanabisi të cilat i quan “babies” të cilat i shet në kuti ku vendosen 300 copë. Po ashtu ai ka ofruar edhe kanabis gati për shitje.
Mehmetaj merret edhe me muzikë nga ku përmes lirikave të tij ai tallet me policinë dhe u jep jehonë armëve të zjarrit sic është kënga Gangster Love.
Në botën e artit Mehmetaj përdor pseudonimin Memz.
Këngët e tija janë në Spotify dhe Apple Music.
Daily Mail thotë se të gjithë bisedën e invizuar bashkë me provat e mbledhura për këtë investigim i kanë kaluar policisë Londineze.
Pas njoftimit të gazetarëve se Mehmetaj reklamonte biznesin e tij kriminal në Instagram, llogaria GjakShqipez është mbyllur.
