Një i moshuar është rrëzuar ditën e sotme pranë gjimnazit “Sami Frashëri” në Tiranë, pasi është penguar në një bordurë të dëmtuar dhe të dalë në trotuar.
Sipas dëshmitarit që ka raportuar rastin, disa studente të mjekësisë i kanë ardhur menjëherë në ndihmë të moshuarit, duke i dhënë ndihmën e parë deri në mbërritjen e ambulancës, e cila, sipas raportimit, është vonuar.
Ngjarja rikthen vëmendjen te gjendja e trotuareve në kryeqytet, ku bordurat e dëmtuara dhe të dala mund të kthehen në rrezik për këmbësorët, veçanërisht për të moshuarit.
