“Ne do të rimarrim Shtëpinë e Bardhë!” Kështu u shpreh i bindur para votuesve të së djathtës amerikane në New Hampshire, Donald Trump, i cili premtoi se do të shtypte Presidentin Joe Biden, i cili sapo ka zyrtarizuar kandidaturën e tij, në zgjedhjet e 2024.
“Të martën, Joe Biden deklaroi zyrtarisht se kandidon për katër vite të tjera katastrofike”, tha paraardhësi i tij presidencial republikan.
Trump denoncoi në mënyrë të parashikueshme llogarinë e pasardhësit të tij, duke përshkruar një vend të zhytur në dhunë dhe krim, të mbytur nga inflacioni, ku bankat po mbyllen. Në vitin 2024, Amerikës do t’i kërkohet të zgjedhë midis “suksesit apo dështimit”, “sigurisë apo anarkisë”, “prosperitetit apo shkatërrimit”, sipas Trump.
Ai e imitoi Bidenin duke lënë të nënkuptohet se presidenti 80-vjeçar ka demencë, gjë që shumë republikanë argumentojnë.
