Të premten ushtarë kurdë kanë sulmuar bazën ushtarake turke në rajonin gjysmëautonom kurd në Irak duke vrarë pesë ushtarë turq. Katër ushtarë të tjerë vdiqën më vonë nga plagët e rënda. Ministria turke e Mbrojtjes tha se 15 militantë kurdë u vranë.
Ministria e Mbrojtjes e Turqisë ka deklaruar se avionët luftarakë turq i sulmuan bazat kurde në Metina, Hakurk, Gara dhe Qandil në veri të Irakut. Zyrtarë të Ministrisë së Mbrojtes së Turqisë thanë se avionët e turqisë shkatërruan shpella, bunkerë dhe objekte nafte për të neutralizuar sulmet kurde kundër popullit turk dhe forcave ushtarake turke si dhe për të garantuar sigurinë kufitare.
Ndërkohë Ministri i Brendshëm i Turqisë Ali Yerlikaya njoftoi se policia ka arrestuar 113 të dyshuar për lidhje me Partinë e Punëtorëve të Kurdistanit në gjatë bastisjeve në 32 provinca turke.
Partia e Punëtorëve të Kurdistanit, e cila ka baza në veri të Irakut është shpallur organizatë terroriste nga aleatët perëndimorë të Turqisë përfshirë edhe nga Shtetet e Bashkuara ku mijëra njerëz janë vrarë që prej nisjes së konfliktit në 1984.
