Uashingtoni i kërkoi Ankarasë t’i dërgonte Ukrainës sistemin e mbrojtjes raketore S-400 që e bleu nga Rusia, por të cilin SHBA e kundërshtoi. Me sa duket Turqia ka dalë kundër SHBA-ve duke refuzuar këtë kërkesë. Lajmin e bëri të ditur ministri i Jashtëm turk, Mevlut Çavusoglu.
Ndërsa pretendonte se sistemi S-400 duhej të përjashtonte Turqinë nga programi i avionëve luftarakë F-35, SHBA i propozoi Turqisë që t’i jepte kontrollin e sistemit SHBA-së ose një vendi tjetër, përfshirë Ukrainën, ndërsa ajo përpiqet të luftojë kundër Rusisë.
“SHBA-të na kërkuan të dërgonim S-400 në Ukrainë dhe ne thamë jo”, tha Çavusoglu, duke shpjeguar se këto propozime ishin të papranueshme, pasi synonin të cenonin sovranitetin turk.
Zyrtarët turq kanë thënë vazhdimisht se kombi bleu S-400 si çështje të sigurisë kombëtare dhe asnjë vend tjetër nuk ka të drejtë të ndërhyjë në këtë.
Në vitin 2017, kur përpjekjet e saj të zgjatura për të blerë një sistem të mbrojtjes ajrore nga SHBA rezultuan të kota, Turqia nënshkroi një kontratë me Rusinë për të blerë sistemin e teknologjisë së fundit S-400.
Zyrtarët amerikanë shprehën kundërshtimin ndaj vendosjes së tyre, duke pretenduar se S-400 do të ishte i papajtueshëm me sistemet e NATO-s./Middle East Monitor
