Kryetarit të Federatës së Futbollit të Kosovës, Agim Ademi, u akuzua për korrupsion dhe iu caktua një masë sigurie për të kaluar në qeli 48 orë. Ky njoftim e tronditi Ademin i cili pësoi një gjendje shëndetësore të rënduar. Pasi la ambjentet e spitalit, kreut të FFK-së i është caktuar një masë tjetër sigurie. Agim Ademi do të qendrojë nën masën e arrestit shtëpiak për 30 ditë.
“Në rast të mosrespektimit të kësaj mase, të pandehurit A.A. do t’i zëvendësohet kjo masë me masën e paraburgimit”, thuhet në njoftimin e kësaj gjykate.
Hetimet ndaj zyrtarit të lartë nisën pas dyshimeve për keqpërdorim të detyrës së tij. Konkretisht Prokuroria ka konstatuar veprat penale, “keqpërdorim i besimit” dhe “shmangie nga tatimi”.
