Së fundmi, për dhunën barbare që ushtruan motrat Berisha ndaj Klea Prengës ka folur edhe Mhill Prenga.
I ati i Klea Prengës tha se kjo ngjarje është mjaft e vështirë për të dhe se vajza e tij nuk është ende gati të flasë për mediat, pasi goditja me shishe i ka prekur nervin e buzës së sipërme.
“Është ngjarje e vështirë për mua, dua të më kuptoni. Kjo është një ngjarje që nuk më takon mua të flas, por Kleas dhe ajo nuk është gati. Goditja i ka prekur nervin e buzës së sipërme dhe e ka të mpirë, ndaj më kuptoni. Të falenderoj për interesimin, në një moment tjetër kur Klea të jetë e gatshme.”
Gjithashtu, kërkoi që ligji dhe drejtësia të veprojnë sa më parë lidhur me ngjarjen.
