Indrit Taullai lihet në burg. Dosja.al mëson se ish-anëtarit të bandës së Durrësit i është dhënë masa e sigurisë, “Arrest me burg” nga Gjykata e Posaçme Kundër Korrupsionit dhe Krimit të Organizuar.
46-vjeçari u ekstradua nga Kosova mbrëmjen e së enjtes në vendin tonë, pasi u shpall në kërkim nga GJKKO për akuzën e vrasjes me paramendimin e grup të strukturuar kriminal.
Indrit Taullai akuzohet si i përfshirë në vrasjen e Klodian Saliut dhe Vajdin Lames, ngjarje të ndodhura në shkurt të vitit 2005.
Indrit Taullai, anëtari i Bandës së Durrësit që u vu në pranga mw 6 dhjetor tw vitit 2020 në Kosovë, është një person mjaft i njohur për drejtësinë shqiptare. Taualli është vënë në pranga në vitin 2007, me kërkesë të Prokurorisë për Krime të Rënda si pjesë e “Bandës së Durrësit” të drejtuar nga Lulzim Berisha.
45-vjeçari u shpall fajtor për katër akuza, tre vrasje të kryera në bashkëpunim dhe një rrëmbim personi, duke u dënuar me 25 vite burg. Pas ndjekjes së shkallave të Gjykatës, ky vendim mori formën e prerë në vitin 2012, duke e kyçur Taullain pas hekurave të burgut të sigurisë së lartë. Por vetë anëtari i Bandës së Durrësit nuk qëndroi i qetë. Ai ‘ndërtoi planin e lirisë’ që e fitoi 10 vite pas arrestimit.
Dosja.al ka sjellë edhe historinë e përplasjeve në bandën famëkeqe të Durrësit, ku disa personazhe të cilët qëndronin me njëri-tjetrin dhe më pas komplotuan për të vrarë njëri-tjetrin. Nga tetori i vitit 1998 deri në vitin 2003, banda e Durrësit ishte e bashkuar dhe dy drejtuesit kryesorë të saj, Lulzim Berisha dhe Klodian Saliu, i kishin të forcuara lidhjet mes tyre….por nisën përçarjet.
