Avokati i njohur Altin Goxhaj është gjobitur me një shumë prej 50 milionë lekësh të vjetra nga autoritet për shkak të protestës që zhvilloi në sheshin “Skënderbej” kundër masave kufizuese të vendosura nga qeveria.
Përmes një postimi në rrjetet sociale ai shprehet se kjo është gjoba më e madhe që i është vënë një qytetari në historinë e Europës këto 30 vjet postkomunizëm për çështje proteste.
Javën që vjen me të një masë mund të gjobitet dhe regjisori Kastriot Çipi dhe avokati kërkon reagimin e mediave, shoqërisë civile dhe gazetarëve.
Sipas tij, të protestosh kundër diktaturës dhe të jesh realisht kundër Soros është problemi i vërtetë.
Postimi i plotë:
E-maili i parë nga jashtë për gjobën 50 milionëshe
DHE NJË TEST MBI HESHTJEN E POLITIKANËVE, GAZETARËVE DHE “SHOQËRISË CIVILE TË PAVARUR” MBI GJOBITJEN PREJ 50 MILIONËSH PSE PROTESTOHET ME 30 VETË KUNDËR DIKTATURËS
Nga @Avokati Altin Goxhaj,
aktivist AntiSoros, i pari në Historinë e Europës Kontinentale pas rënies së Murit të Berlinit që është gjobitur nga një Qeveri me vlerën e 41.166 Euro sps ka bërë thirrje dhe ka organizuar një protestë paqësore!
Sipas një miku tim jurist që jeton prej vitesh jashtë dhe punon me institucione të të drejtave të njeriut (më kërkoi të mos ja bëjë publik emrin sa të kryejë punë pa pengesa), kjo është gjoba më e madhe që i është vënë një qytetari në Historinë e Europës këto 30 vjet postkomunizëm për çështje proteste përfshi edhe PLANdeminë!
Sipas tij:
“I dashur Altin,
ky është një fakt raportimi ndërkombëtar dhe do merrem personalisht me këtë sepse është skandal i papreçedentë sidomos duke marrë parasysh që ndodh në vendin më të varfër të Europës! Një gjobë e tillë nuk është raportuar as në Rusi apo Bjellorusi si vende me preçedentë të rëndë të shkeljes së të drejtave të njeriut e aq më pak në Hungari apo Serbi për të cilat ka raportime të herë pas hershme.
Duke iu referuar Nenit 3.2 të Aktit Normativ
nr 3, gjoba fikse prej mbi 41.666 euro, kërkon 16 vjet të punosh veç për ta paguar këtë gjobë nëse ke një rrogë bazë prej 250 Euro/muaj apo 100 vjet nëse të njihet e drejta e minimumit jetik të varfërisë prej 200 Euro/muaj!
Pra përveç lirinë e shprehjes dhe grumbullimit, kjo shkel në mënyrë të papreçedentë dhe të pandodhur krahasimisht më parë parimin e proporcionalitetit!
Në jurisprudencë njihet si “nxitje për vetëvrasje për njerëz emocionalisht të brishtë apo në gjëndje të rënduar emocionale, psikologjike, sociale dhe ekonomike” dhe hartuesit dhe miratuesit atakohen dhe mund të akuzohen për vepra penale që lidhen me nxitjen e vetëvrasjes te kundërshtarët politikë.
Ky preçedent konsiderohet në çdo rast si një shkelje ekstremisht e rëndë e të drejtave të njeriut dhe normalisht duhet të paraqitet si raportim në të gjitha institucionet ndërkombëtare të të drejtave të njeriut përfshi Parlamentin Europian, Këshillin e Europës, Komisionin Europian, OKB, etj.
Të siguroj se unë do të bëj maksimumin në këtë drejtim brenda javës tjetër. Fillimisht ma dërgo një dosje të plotë në anglisht”
Duke pasur parasysh se sa grumbullime dhe protesta janë konsumuar këto ditë në paqe me policinë, dhe duke qenë se gazetari Kastriot Çipi është në hetim nga i njëjti Komision për vendosjen e të njëjtës gjobë javën që vjen për të njëjtën protestë,
Jam në pritje të reagimit të gazetarëve, aktivistëve, politikanëve dhe “shoqërisë civile” për këtë
Dmth ata që bëjnë sikur mbrojnë të drejtat e njeriut dhe lirinë e shprehjes dhe këtë e thonë live apo me regjistrim me pompozitet netëve televizive të çensurës së përnatshme
Dmth që bëjnë SIKUR nuk i pagu Sorosi apo nuk kanë lidhje me të
Ja të shohim se ky është edhe një test që tu tregojnë atyre që i marrin seriozisht se janë ushtarë të Soros apo njerëz të lirë
Sps të protestosh kundër Diktaturës dhe të jesh realisht kundër Soros është problemi i vërtetë! Të tjerat janë makiazh për surratin e rrudhur të diktaturës! Mos harroni tu thoni jo vetëm #LaniDuart por edhe #LaniB..
