Leonard Skabona nga Rrësheni, i cili u vetëvra duke u vetëhedhur nga dritarja e spitalit “Shefqet Ndroqi”, ka punuar si oficer Policie në vitit ’90.
Miku i të ndjerit që prej 10 ditësh po kurohej nga Covid-19, ka rrëfyer për Fax News, faktin se Skabona jetonte i vetëm, pas divorcit më bashkëshorten e tij.
“E kam njohur rreth viteve 97-98, ka qenë një periudhë kohe oficer Policie, ka qenë një burrë me sjellje shumë korrekte, shumë normale. Nuk e di se cilat kanë qenë shkaqet e kësaj ngjarje, po di që pasi është larguar nga puna, dhe më pas është divorcuar me bashkëshorten. Këto kohët e fundit ka jetuar vetëm, pasi bashkëshortja dhe fëmijët kanë ikur në Greqi,”- shprehet i njohuri i Skabonës.
Ngjarja e rëndë ndodhi mesnatën e kaluar rreth orës 00:30. Nga njoftimi i policisë nuk u raportua se pacienti ishte i infektuar me Covid-19, apo se në cilin spital ndodhi vetëvrasja. Këto detaje u zbardhën nga mediat. Mjekët e turnit që po kujdeseshin për të ndjerin, janë marrë në pyetje.