Rruga e Arbërit e cila u inaugurua dy ditë më parë ka nisur të degradohet, ndonëse sapo është hapur si segment. Projekti i rëndësishëm për dibranët, që shkurton distancën midis Tiranës dhe Dibrës, ka nisur të ketë probleme që në ditët e para pas inaugurimit. E ndonëse ky lot është përfunduar si trase që në vitin 2012, ai nuk është vënë kurrë në funksion, ndërsa tashmë ka nisur të përbëj rrezik për banorët. Sipas neës24, mësohet se në ditën e dytë pas hapjes, një masiv i madh shkëmbor ka rënë në trasenë e fshatit Plan i Bardhë duke e bllokuar totalisht atë. Banorët e zonës ndjehen të rrezikuar, teksa kërkojnë që të merren masa.
