Ministri britanik i Shëndetësisë, Matt Hancock ka reaguar pas fotografive ku shihet duke u puthur me sekretaren e tij Gina Coladangelo.
Matt, ka pranuar se ka shkelur rregullat e distancës sociale, por nuk i ka kërkuar ndjesë bashkëshortes së tij, Martha Hoyer Millr, me të cilën është i martuar prej 15 vitesh.
“Unë pranoj që kam shkelur udhëzimet për distancimin social për këto rrethana. I kam zhgënjyer njerëzit, jam shumë i penduar.
Mbetem i përqendruar në objektivin për të nxjerrë vendin nga kjo pandemi dhe do të isha mirënjohës për privatësinë e familjes time dhe timen, në këtë çështje personale”, ka thënë ai.
Ministri 42-vjeçar ka refuzuar të japë dorëheqjen, ndërkohë që një gjë e tillë është kërkuar nga opozita.
42-vjeçari ka refuzuar të japë dorëheqjen, ndërkohë që opozita kërkon shkarkimin e tij.
Mediat e huaja shkruajnë se Hancock kishte më shumë se 1 vit që e kishte emëruar sekretare Coladangelon. Ata njiheshin që në vitet e studimit në universitet, pasi kanë punuar së bashku në radion shkollore, por edhe kanë studiuar për të njëjtat degë.
Coladangelo, u përshkrua nga mediat si një grua multimilionere, pasi ishte drejtuesja e një kompanie të njohur mode në Britani, të themeluar nga bashkëshorti i saj. Paralelisht, ajo ishte dhe krahu i djathtë i ministrit, të cilin, e shoqëronte në takimet zyrtare dhe çështjet e rëndësishme.
