Në një autobuz që po vinte nga Italia u gjenden 522 mijë euro të fshehura. Shoferi dhe pronari i autobuzit Elidon Çela ka dhënë dëshminë në polici në lidhje me këtë ngjarje.
Ai tha se mallrat e gjetur ishin të emigrantëve shqiptarë në Itali, ndërsa paratë, ishin kursime të familjes së tij që do t’i investonte në mbjelljen e grurit dhe në bujqësi.
“Mallrat janë të emigrantëve që jetojnë në Itali, i deklarova në doganën e Barit. Kemi biznes, paratë janë kursime të familjes, do investoja në toka me qira dhe bujqësi. Askush nuk e dinte për paratë në autobus, kisha frikën e ndonjë grabitjeje”, është shprehur ai.
Prokuroria e Durrësit ka kërkuar masën e sigurisë “detyrim paraqitje” për dy ndihmësit e Elidon Çelës, Dritan Kamberi e Anold Cankja.
