Dy shqiptarët e e arrëstuar për sekuestrimin e 324 kilogramë kokainë e cila u sekuestrua gjatë një operacioni policor në qendër të Selanikut, u lanë nga gjykata në burg pa afat.
Ditën e sotme ata dolën para gjykatës, ku u njohën edhe me vendimin e marrë. Në kërkim është një 33 vjeçar nga Kroacia, i cili arriti të shpëtojë duke u hedhur nga ballkoni i banesës gjatë operacionit policor, shkruajnë mediat greke.
Operacioni policor u krye ditën e premte, pas informacionit nga DEA për mbërritjen në Evropë të një kontenieri me një sasi të madhe kokainë, që mendohet se vinte nga Amerika Latine.
Droga me vlerë 100 mln euro kishte destinacion tregun grek. Dyshohet se sasia e madhe ishte marrë nga dy kroatë dhe do të trafikohej nga dy shqiptarët. Këta të fundit deklaruan në gjykatë se nuk kanë lidhje me këtë çështje dhe se kanë një hotel në Rodos dhe udhëtuan në Selanik për të blerë pajisje për biznesin e tyre.