ka mësuar se Marjon Mitro, personi që u plagos me armë zjarri mesditën e sotme në Vlorë është anëtari i bandës së të rrezikshmit Julian Sinanaj.
Mitro, personi që shikoni edhe në foton e mëposhtme, u qëllua nga një makinë në lëvizje e llojit “Land Rover”, teksa ecte pranë bibliotekës së qytetit bregdetar.
Mësohet se fatmirësisht Mitron e ka kapur vetëm një plumb në këmbë, duke e lënë të plagosur.
Aktualisht ai është dërguar në spital ku po merr mjekimin e nevojshëm mjekësor. Nga ana tjetër, rrethanat e plagosjes janë ende të paqarta. Grupi hetimor dhe policia ndodhet në vendin e ngjarjes, ndërkohë që paraprakisht dyshohet se ngjarja ka lidhje me larjet e hesapeve mes bandave.