Mjeku i spitalit të Durrësit, Beqir Gelaj është shtruar në Spitalin Infektiv.
Mjeku ishte infektuar 3 muaj më parë me Covid-19 nga një pacient dhe pas shërimit është riinfektuar sërish.
Sakaq, dyshohet se shkak i infektimit për herë të dytë i mjekut është bërë vajza e tij, mjeke në QSUT, po ashtu e prekur më herët nga virusi.
Sipas specialistëve, mjeku mund të jetë riinfektuar si pasojë e ekspozimit të tepërt duke marrë parasysh faktin që e ka kaluar një herë këtë virus.
Kujtojmë që lajmin e bëri të ditur Ministria e Shëndetësisë në përditësimin e situatës së datës 6 qershor 2020. “Aktualisht kemi një personel shëndetësor të riinfektuar pas thuajse 3 muajsh, pra i infektuar për herë të dytë, si kontakt familjar. Gjendja e tij shëndetësore është e stabilizuar”, njoftoi Ministria e Shëndetësisë.