Komunitetet e Floridës të shkatërruar nga uragani Ian po përballen me një kërcënim të ri të baktereve mishngrënëse – javë pasi stuhia masive përfshiu shtetin. Që nga e premtja e kaluar, janë raportuar 65 infeksione të Vibrio vulnificus këtë vit, ndërsa kishte vetëm 37 raste të raportuara përpara stuhisë që ra në tokë më 28 shtator, sipas të dhënave të Departamentit të Shëndetësisë në Florida, shkruan New York Post:
Qarku Lee, shtëpia e komuniteteve të shkatërruara nga Ian të Fort Myers dhe Sanibel Island, përbën shumicën e rasteve të reja të Vibrio vulnificus, i cili ha mishin në plagë të hapura. “DOH-Lee po vëzhgon një rritje jonormale të rasteve të infeksioneve Vibrio vulnificus si rezultat i ekspozimit ndaj ujërave të përmbytjeve dhe ujërave të ndenjura pas uraganit Ian”, tha Departamentit të Shëndetit të Qarkut Lee, Tammy Soliz.
Që nga 29 shtatori 2022, 26 raste të Vibrio vulnificus të lidhura me uraganin Ian janë raportuar në DOH-Lee. Të 26 rastet kishin infeksione të plagëve me ekspozim ndaj ujërave të përmbytjeve të uraganit Ian që ndodhën nga stuhia që hyri në shtëpitë e tyre ose gjatë pastrimit pas stuhisë. Ka pasur gjashtë vdekje në mesin e banorëve të Qarkut Lee. Të paktën 11 njerëz në shtetin Sunshine kanë vdekur nga infeksioni Vibrio vulnificus këtë vit, sipas të dhënave të Departamentit të Shëndetësisë në Florida. Vitin e kaluar u raportuan vetëm 10 vdekje dhe 34 raste të baktereve.
