Një incident i rëndë ka ndodhur këtë të dielë në një fshat pranë Prrenjasit. Një granatë e vjetë ka shpërthyer dhe ka plagosur tre persona.
Mësohet se shtetasit Olsi Elezi, 45 vjeç, Yllka Bishtogu 61 vjeçe dhe Viturie Bishtogu 58 vjeçe janë plagosur në gjymtyrët e poshtme.
Ata janë transportuar menjëherë në spital dhe ndodhen jashtë rrezikut për jetën.
Sipas Policisë, ngjarja ka ndodhur gjatë kohës që ata po punonin tokën e tyre me bel.
Në momentin e shpërthimit të granatës, kanë qenë duke punuar edhe 2 vëllezërit, bashkëshortët e shtetaseve të mësipërme, të cilët nuk kanë pësuar dëmtime.
Grupi hetimor vijon punën në vendngjarje për sqarimin e plotë të rrethanave të këtij rasti.
