Çdo vit mijëra gra trafikohen në qytete evropiane dhe detyrohen të dalin në rrugë për të kryer marrëdhënie seksuale. Jewel, arriti të shpëtonte nga përfshirja në një situatë të tillë.
“Pashë dritë. Është shumë shpesh errësirë nga vij unë sepse nuk ka energji elektrike… Por gjithçka këtu vetëm vezullonte – ishte shumë e bukur.”
E njohur me pseudonimin Jewel, ajo përshkruan ardhjen e saj në Danimarkë.
“Po e falënderoja Zotin për mundësinë që u bëra pjesë e këtij vendi. Mezi prisja të filloja punën.”
Jewel siguroi një biletë udhëtimi nga Nigeria duke menduar se do të punonte me të moshuarit.
“Njerëzit që trafikohen kalojnë nëpër Libi dhe zakonisht marrin autobusë dhe varka. Por kjo ishte e organizuar aq mirë sa nuk ishte aspak e dyshimtë,” thotë ajo.
Organizata Ndërkombëtare për Migracionin ka vlerësuar se 80% e grave nigeriane që udhëtojnë në tokë dhe më pas tentojnë të kalojnë Mesdheun, trafikohen në tregtinë evropiane të seksit. Jewel kishte dëgjuar për gra që kishin pësuar atë fat pasi kishin bërë udhëtimin e rrezikshëm, kështu që kur udhëtimi i saj filloi në aeroportin e Lagos, ajo u qetësua.
Në Kopenhagë, ajo u takua nga një grua nigeriane, e cila e çoi të nesërmen në Vesterbro.
“Po shikoja përreth për një lloj spitali,” kujton Jewel.
Ata ecën rrugëve për një kohë.
Pastaj gruaja tha: “Ky është vendi ku do të punoni”. Shikova rreth e rrotull për të parë nëse ajo po tregonte një ndërtesë që nuk e kisha vënë re më herët. Në atë moment ajo më tha se do të bëhesha prostitutë, teksa po më tregonte edhe vendin tim të punës. “
Jewel bëri një takim të rastësishëm atë natë që më vonë do të ishte tepër i rëndësishëm . – Michelle Mildëater nga HopeNoë, një OJQ që mbështet njerëzit e trafikuar në Danimarkë, pa të renë , një të ndrojtur, 20-vjeçare dhe i dha kartvizitën e saj.
Një burrë I ofroi asaj 4,000 krona, ndërsa zonja e shtëpisë u largua, shkruan BBC.
“Unë nuk e flisja gjuhën në atë kohë dhe nuk e kisha idenë se çfarë po thoshte – duhej të përdornim Google Translate për të komunikuar. Ishte e frikshme.”
Në muajt që pasuan, prostituimi po bëhej akoma më I vështirë për të renë. “Unë nuk isha mirë. Isha aq e turpshme”
