Gruaja përshkruan kalvarin e tmerrshëm të zgjimit në mes të operacionit. Imagjinoni dhimbjen më të keqe të mundshme. Donna Penner nga Kanadaja duroi përvojën e tmerrshme të zgjimit gjatë operacionit.
Anestezia e përgjithshme përfshin medikamente si ketamina që ju lënë pa ndjenja dhe parandalojnë dhimbjen.
Për më tepër, një personi do t’i jepet një ilaç paralitik për të parandaluar lëvizjen e muskujve.Fatkeqësisht për Pennerin, anestezia e përgjithshme nuk funksionoi por paralitiku funksionoi.
Në vitin 2008, Donna shkoi për një laparoskopi eksploruese pasi kishte përjetuar gjakderdhje të rëndë gjatë periodave.
Kjo përfshin një prerje të gjatë vertikale të bërë në barkun e pacientit përpara se një kirurg të inspektojë barkun për dëmtime ose sëmundje. Me fjalë të tjera, jo diçka për të cilën do të dëshironit të qëndronit zgjuar. Duke folur për BBC, ajo tha se pasi fillimisht ra në gjumë, u zgjua dhe “mund të dëgjonte ende tingujt në sallën e operacionit”.
Këtu filloi makthi i saj.Edhe pse fillimisht u ndje e relaksuar, Donna tha: “Kjo ndryshoi disa sekonda më vonë kur dëgjova kirurgun të fliste.“Ata po lëviznin përreth dhe po bënin gjërat e tyre dhe më pas papritmas e dëgjova të thoshte:
“Bisturi të lutem”. Me mosbesim, Donna donte t’i njoftonte mjekët se çfarë po ndodhte, por ajo nuk mund të lëvizte për shkak të paralizës.
“Më zuri paniku. Mendova se kjo nuk mund të ndodhte. Kështu që prita për disa sekonda, por më pas ndjeva që ai bëri prerjen e parë,” vazhdoi ajo.
“Unë nuk kam fjalë për të përshkruar dhimbjen – ishte e tmerrshme.”
Donna tha se ishte ‘aq e paralizuar’, saqë nuk mundej as të qante.
“E ndjeva atë duke lëvizur organet e mia teksa eksploronte”, shtoi ajo. “E dëgjova të thoshte gjëra të tilla si: “Shiko apendiksin e saj, është vërtet e bukur dhe rozë, zorra e trashë duket mirë, vezorja duket e mirë”.
